АҞӘА, нанҳәа 7 – Sputnik. Урыстәылатәи амкьаҭӷба "Сиг" адронла ианажәлаз иаиуз ааха аиҭашьақәыргылаз аихатәы ақәҵақәырҷаб ҟарҵеит ҳәа аанацҳауеит Урыстәылатәи амшыни аӡқәеи рыфлот Telegram-канал аҟны.
Аихатәы ақәҵақәырҷаб ҟазҵоз аӡхәыҵалаҩцәеи аидырҭәалаҩцәеи русура хдыркәшеит ԥхынгәы 6 асааҭ 16:00 рзы. Ашьыжь ԥхынгәы 7 рзы, аӷба ақәыршәраз аусурақәа ирылагеит.
Нанҳәа 5 руха амкьаҭӷба "Сиг" украинатәи амшынтә дронқәа ржәылара иахҟьаны ааха аиуит Керчтәи аӡыбжьахала аладатәи ахәҭаҟны. Аӷба аӡы ихын, аха аԥсабаратә еилазаара аԥхасҭа анамҭаӡеит.
Уаанӡа, асабша украинатәи аҭыжьымҭақәа Украинатәи ашәарҭадаратә маҵзура (УАШәМ) шьаҭас иганы ирҳәеит УАШәМ ишеиҿнакааз Керчтәи аӡыбжьахала аладатәи ахәҭаҟны урыстәылатәи амкьаҭӷба "Сиг" ажәлара. Аҭыжьымҭа адыррақәа рыла ажәылараз ахархәара аман 450 кьыла атратил зқәыз аӡхыхьтәи адрон.