АҞӘА, нанҳәа 11 - Sputnik. Донецктәи Жәлар рреспублика Иреиҳаӡоу аӡбарҭа Украинатәи "Азов"* аибашьҩы Анатоли Килиушик 25 шықәса бахҭала ахгара иқәырҵеит Мариуполь аҭынчуаҩ ишьразы. Абри атәы аанацҳауеит Урыстәыла Ашьаусҭҵааратә еилакы.
Аӡбарҭа ишьақәнаргылеит ахаҵа Мариупольҟа агуманитартә цхыраара шнеигоз, абџьар шикымыз. Иара закәаншьаҭада дааныркылеит Урыстәыла дадгылоит ҳәа.
Килиушик ахаҵа адәахьы ддәылганы атапанча-пулимиот ала диехсны дишьит. Аграждантә уааԥсыра иреиуаз ашаҳаҭцәа ирҳәеит ишьыз инапқәа ишьҭахьҟалеи илақәеи шҿаҳәаз.
Анатоли Килушик иҿы иқәшаҳаҭхеит, ииуыз дахьхәит. Иара иқәҵоу ашықәс ахгара адагьы 20 миллион мааҭ рзишәароуп иишьыз иҭаацәа.
Аусҭҵаараан иара убасгьы ишьақәыргылан ахаҵа дыршьырц адҵа ҟазҵаз рхаҭарақәа. Урҭ рганахь ала ашьаусҭҵаара цоит.