АҞӘА, нанҳәа 14 - Sputnik, Асмаҭ Ҵәыџьԥҳа. Аҟәа Ақырҭаа имҩаҿы игылоу Ахатәы ҩнқәа ԥшьба аԥхасҭа роуит амцакраан. Абри азы Sputnik адырра аиҭеит Аҟәеи Аҟәа араиони рыхьчаразы амцарцәара-аиқәырхаратә отриад аиҳабы Ҭемыр Кәыҵниа.
Амца аԥхасҭа анаҭеит амузыкатә школ ахыбрагьы. Уи адагьы, ҩнык афеиерверкқәа ҩназаарын, урҭгьы атҟәацра иалагеит.
Амцакра зыхҟьаз аилкаара иаҿуп иҳәеит Кәыҵниа. Амца аанкылоуп, аха макьана аҵҵра иаҿуп. Аҭыԥ аҿы аус руеит АҶА амцарцәаратә гәыԥқәа фба. Ааха аӡәгьы имоуит.