АҞӘА, нанҳәа 19 – Sputnik. Урыстәыла Жәлар рартист, асоветтәии урыстәылатәии актиор Игор Иасулович иԥсҭазаара далҵит. Абри атәы аанацҳауеит ГИТИС Telegram-канал аҿы.
Гәалсра дула адырра ҟаҳҵоит иԥсҭазаара дшалҵыз Урыстәыла Жәлар рартист Игор Николаи-иԥа Иасулович,- аҳәоит адырраҭараҿы.
Атеатри акинои рактиор, акинорежиссиор, асценарист, арҵаҩы Игор Иасулович диит цәыббра 24 1941 шықәсазы Самаратәи аобласт аҟны. 1962 шықәсазы ВГИК актиортә факультет далгеит, 1974 шықәсазы- арежиссиортә.
Иасулович деицырдыруеит "Бриллиантовая рука", "12 стульев", "Гардемарины, вперед!", "Тот самый Мюнхгаузен" рҟны инаигӡоз арольқәа рыла.
2001 шықәсазы Иасулович Урыстәыла Жәлар рартист ҳәа ахьӡ ихҵан.