АҞӘА, нанҳәа 21 – Sputnik. Очамчыратәи ашкол аҿы аинформациатә технологиақәа рыкласс аартхоит ҳәа иҳәеит Аԥсны АдәАР рминистр Инал Арӡынба ауаажәларра рԥылараҿы.
"Ааигәа 10-тәи Аҟәатәи ашкол аҿы иааҳартит аинформациатә технологиақәа рыкласс, атехника бзиа аманы, илашаны. IT-классқәа раартра аԥсуа школхәыҷқәа аинформациатә технологиақәа рҵартә аиԥш аҭагылазаашьақәа рырҭоит", - иҳәеит аминистр.
Ԥхынгәы 17 рзы 10-тәи Аҟәатәи ашкол аҿы иаартын аинформациатә технологиақәа рыкласс. Ауада аремонт ҟаҵан, 20 ҭыԥ еиҿкаан, иаахәан аноутбукқәа апрограммаеиҿкаара, адизаин, акомпиутертә графика зларҵаша.