АҞӘА, нанҳәа 21 - Sputnik. Урыстәыла 2008 шықәса раахыс Аԥсны 110 миллиард мааҭ афинанстә цхыраара анаҭахьеит ҳәа аҳәамҭа ҟаиҵеит Аԥсны адәныҟатәи аусқәа рминистр Инал Арӡынба Очамчыра араион ауаажәларра рԥылараан.
Иара инаҵшьгны иазгәеиҭеит Аԥсни Урыстәылеи акрызҵазкуа аиқәшаҳаҭра-зинтә база шеицрымоу.
Урҭ рхыԥхьаӡараҿы иҟоуп аиқәшаҳаҭра хадақәа ҩба - 2008 шықәсазы рнапы зҵарҩыз "Аиҩызареи, аусеицуреи, аицхыраареи рзы" 2014 шықәсазы рнапы зҵарҩыз "Аиҩызареи астратегиатә партниорреи рзы.
"Арҭ аиқәшаҳаҭрақәа рҿы Аԥсны Аҳәынҭқарра ганрацәалатәи ацхраара арбоуп. Урыстәылатәи Афедерациа уи инҭкааны ианангӡоит", - иҳәеит аминистр.
Аԥсны ахада Аслан Бжьаниа идҵала АДәАР ахада Инал Арӡынба Аԥсны араионқәа рҿы ауаажәларреи араион ахадарақәеи рхаҭарнакцәа дырԥылоит. Урҭ аиԥыларақәа Аԥсны Ахьыԥшымра азхаҵара амш иазкуп.