Жәохә шықәса раԥхьа Аԥсны Аҳәынҭқарра ахьыԥшымра Урыстәылатәи Афедерациа иазханаҵеит. Ари ахҭыс ҳҭоурых аҿы иҷыдоу адаҟьа азалхуп. Иара иахылҿиааит иахьазы ҩ-ҳәынҭқаррак иҳабжьоу аизыҟазаашьақәа. Ҳхы иабанӡаҳзархәеи иҳамоу ахьыԥшымра азхаҵара, ҵакыс иамоузеи ари ахҭыс, абри азы арадио Sputnik аефир аҿы ргәаанагара еибырҳәеит Ауаажәларратә палата алахәыла Абесалом Кәарҷиеи ауаажәларратә усзуҩы Ҭемыр Надараиеи.
Инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы мамзаргьы аудиофаил аҿы.