АҞӘА, нанҳәа 27 - Sputnik. Нанҳәа 26-27 руха Пицунда дхәын Аҳәынҭавтоинспекциа Гагратәи араионтә ҟәша аиҳабы Ҳаџьараҭ Бганба, абри атәы Sputnik иазеиҭарҳәеит Апрокуратура хада апресс-маҵзураҿы.
АҩАР иаанацҳауеит ахҭыс шыҟалаз асабша, нанҳәа 26 ҵхыбжьон, асааҭ 02:30 рзеиԥш, ақьафурҭа "Терраса" аҿы.
Иҟоу адыррала, ахысра далагеит 24 шықәса зхыҵуа Лӡаа ақыҭа инхо Михаил Барцыц. Иара еиқәырццакны Ҳаџьараҭ Бганба диеихсын аҭыԥ аҟынтәи иҽиӡеит.
Бганба Гагратәи Араионтә хәышәтәырҭа хадахьы днаргеит иарма шьапы ахәра аманы. Азинхьчаратә усбарҭақәа русзуҩцәа Михаил Барцыц иԥшааразы аоператив-ԥшааратә усмҩаԥгатәқәа ирҿуп.