Ашьха иааӡо ахәыҷы аԥсҭазаараҿгьы ихымҩаԥгашьа даҽакхоит, уи убарҭахоит ҳәа азгәеиҭеит аицәажәараҿы Апба. Иара иажәақәа рыла, ҳтәылаҿы имаҷуп ахәыҷқәа рзы алагерьқәа, урҭ ҳҿар рааӡараҿы хра ду рылоуп ҳәа иҳәеит иара.
"Уажәы Ауадҳара иҳашьҭит ахәбатәи агәыԥ. 40-ҩык ахәыҷқәа. Уи аԥхьа 250-ҩык ахәыҷқәа ҳгахьан. Апроект аус ауеит аԥхын мацара. Ашьха ахымҩаԥгашьа, аҵасқәа, иаҳдыруа ахәыҷқәа ираҳҳәоит, иаҳзымдыруа аиҳабацәа рҿы еилаҳкаауеит. Абас даргьы-ҳаргьы еицаҳҵоит. Аиҳабацәа ҳрыԥхьаны иааҳгоит, хәымҽхан амца еиқәҵаны ахәыҷқәа адыртәаланы ирдыруа рзеиҭарҳәоит. Аныҟәара иахьаҳго аинструкторцәа рыцуп. Аԥсеиқәырхаҩ Фат Смыр еснагь рааигәа дыҟоуп ашьха аныҟәашьа здыруа. Ахәыҷкәа ргәабзиара иахылаԥшуа аҳақьым дрыцуп", - ҳәа еиҭеиҳәеит Апба.
Апроект аиҿкааҩ Нарҭ Апба иҳәеит, ахәыҷқәа мчыбжьык иалагӡаны ишеишьцыло, аишьцәа-аиҳәшьцәа реиԥш бзиа еибабаны, ргәы еибабло иҟанаҵоит ҳәа азгәеиҭеит иара.
Сынтәатәи ҳапроект иаҳнарбеит иацаҳҵаша, излауа ала ҳаԥхьаҟа ҳҽырмазеины ахәыҷқәа рацәаҩны ихаҳгалап ҳәа ҳгәы иҭоуп ҳәа иҳәеит аиҿцәажәараҿы Апба.
Инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы мамзаргьы аудиофаил аҿы.