АҞӘА, нанҳәа 29 - Sputnik. Донецктәи жәлар рреспублика раԥхьатәи ахада Александр Захарченко ишьразы ашьаусҭҵаара хыркәшоуп ДЖәР, абри атәы аанацҳауеит ТАСС азинхьчаратә усбарҭақәа адыррақәа шьаҭас иганы.
Захарченко ишьразы ахара здырҵо Александр Погорелов ида даҽа хҩык ари аус иалахәын ҳәа ишьоуп.
Погорелов ида Урыстәыла АЗ ахәҭаҷ 205.1 ахәҭа 3 (атеррористә ус ацхраара) ала ахара идуп Артиом Ена, УА АЗ ахәҭаҷ 205.4 ахәҭа 2 (атеррористә хеидкыла алахәра) ала ахара идуп Васили Чурилов, иара убас УА АЗ ахәҭаҷ 30 ахәҭа 1 (аԥшыхәра аҽазыҟаҵара) ахәҭаҷ 276 (аԥшыхәра) рыла Александр Тимошенко",- рҳәеит амаҵзураҟны.
Александр Захарченко дҭахеит нанҳәа 31 2018 шықәсазы, Донецк ақалақь ақьафурҭа "Сепар" аҿы иҟалаз аԥжәара иахҟьаны.