АҞӘА, цәыббра 4 - Sputnik, Асмаҭ Ҵәыџьԥҳа. Ацәыргақәҵа "Урыстәыла – ҩ-дунеик" аатит Аҟәа акультура-усутә центр "Москва Аҩны" аҿы ашәахьа, цәыббрамза 4 рзы.
Аусмҩаԥгатә аҿы ицәырган москватәи асахьаҭыхыҩцәа Наталиа Баженовеи Татиана Ошурковеи русумҭақәа.
Баженова агәрагара аалырԥшит аҟазара, еиҳарак аҿыханҵа, ауаа реидкылара шалшо.
"Ишьҭысхуа атемақәа сара сзы акыр рыҵаркуеит иахьа аҭыԥ змоу аиҟәшара аамҭазы. Ҩ-дунеик - ҳара ҳаҩнуҵҟа иҟоу, нас иааҳакәыршаны иҟоу, убри иҳакәыршаны иҟоу ҳара ҳахәнажәар аҭахуп, аха ҳаҩнуҵҟа иҟоу - уи зеихаҳара ҳаҿу адоуҳауп", - лҳәеит лара.
Ацәыргақәҵа аиҿкааҩцәа ируаӡәку Аида Абхазааԥҳа лажәақәа рыла, асахьаҭыхыҩцәа изларылшоз ала аԥсуа колорит, амилаҭтә культура, адин релементқәа рцәыргара рҽазыршәеит.
Ацәыргақәҵа изҭаху зегьы иаҭаар рылшоит цәыббра 9 рҟынӡа.
Ацәыргақәҵа еиҿыркааит Аԥсны акультура аминистрра, Евразиа Ажәларқәа рассамблеиа алитературатә хеилак, Урыстәылауаа рзинхьчаратә центр, Москва Аҩны Аԥсны имҩаԥысуа Аурыс культура амшқәа рҳәаақәа ирҭагӡаны.