АҞӘА, цәыббра 4 – Sputnik. Ацәыргақәҵа "Урыстәыла – ҩ-дунеик" аатуеит Аҟәа ашәахьа, цәыббра 4 рзы акультура-усутә центр "Москва Аҩны" аҿы. Абри атәы аанацҳауеит ацентр апресс-маҵзура.
Аԥсны имҩаԥысуа Аурыс культура амшқәа рҳәаақәа ирҭагӡаны имҩаԥысуа аусмҩаԥгатәқәа раан ицәыргахоит москватәи асахьаҭыхыҩцәа Наталиа Баженовеи Татиана Ошурковеи русумҭақәа, урҭ рхаҭақәа ацәыргақәҵа иаҭааз зегьы рзы арҿиаратә еиԥылара мҩаԥыргоит.
Ацәыргақәҵа аатуеит 17:00 рзы, уи аартызаауеит цәыббра 9 рҟынӡа. Ацәыргақәҵа еиҿыркааит Аԥсны акультура аминистрра, Евразиа Ажәларқәа рассамблеиа алитературатә хеилак, Урыстәылауаа рзинхьчаратә центр, Москва Аҩны.