АҞӘА, цәыббра 4 - Sputnik. Херсонтәи аобласт аҿы даанкылоуп абомбақәа ҟаҵаны Запорожие атерактқәа мҩаԥызгоз адиверсантцәа ирызҭоз Украина атәылауаҩ. Абри атәы аанацҳауеит Афедералтә шәарҭадаратә маҵзура Аҳәаахьчаратә усбарҭа.
"Урыстәылатәи Афедерациа Афедералтә шәарҭадаратә маҵзуреи Урыстәылатәи Афедерациа Аҩнуҵҟатәи аусқәа рминистрреи еицхырааны дааныркылеит Украина атәылахьчара аминистрра адҵала Запорожиетәи област аҿы иқәылоз адиверсиа-террористтә гәыԥ азы знапала абомбақәа ҟазҵоз 1968 шықәса рзы ииз Украина атәылауаҩ", - ҳәа аанацҳауеит аусбарҭа.
Иаанкылоу ауаҩы ахара идырҵоит атеракт иҽазыҟаиҵон ҳәа. Херсонтәи аобласт аҿы иҩнаҿы ирбеит хә-кьылак артҟәацгақәа, 17 фымцадетонатор, аамҭа ззықәыргыланы иԥыржәо артҟәацгақәа, егьырҭ ахалаҟаҵаратә рԥжәагақәа.
Иазгәаҭоуп, ахаҵа адиверсантцәа ишриҭахьаз арегион аполициеи ахадареи русзуҩцәа рганахьала имҩаԥгаз атерактқәа раан иԥыржәаз акымкәа-ҩбамкәа абомбақәа. Ацәгьоуцәа ргәыԥ алахәылацәа уажәаԥхьа иаанкылан, рганахьала "Атерроризм" ахәҭаҷ ала ашьаус хацыркын.