АҞӘА, цәыббра 4 - Sputnik. Воронеж инхо Владислав Агапов Аԥсны АҩАР аусзуҩцәа дааныркылеит анаркотикқәа алаирҵәоит ҳәа гәҩарас дыкны. Абри атәы аанацҳауеит аусбарҭа апресс-маҵзура.
20 шықәса зхыҵуа Агапов имхын 13 еилаҳәара аметадон, аелектронтә капанга, аихшагақәа, ателефон, абанктә хсаалагақәа.
Иаанкылоу иҳәеит анаркотик Санкт-Петербургынтә ишааигаз, ара аҭиразы 17 еилаҳәара шазирхиаз.
Аҵәахҭыԥқәа хԥа амилициа ирыԥшааит Иашҭхәа анышәынҭрақәа рҿы. Илгоу акапан 12,33 грамм ыҟоуп.
Владислав Агапов иганахьала ашьаус хацыркуп. Макьаназ аӡбарҭа аӡбарала даанкылоуп.