АҞӘА, цәыббра 5 - Sputnik. Урыстәыла аҳауаҽацәыхьчагақәа Твертәи аобласт, Завидово араион аҿы Москва зхы ақәкны инеиуаз адрон карыжьит, азӷьы дҭамхеит, ахыбрақәа ԥырхага рмоуит, абри атәы иҩуеит аҳҭнықалақь ахада Сергеи Собианин Telegram-канал аҿы.
"Урыстәыла аҳауаҽацәыхьчагақәа Твертәи аобласт, Завидово араион аҿы Москва зхы ақәкны инеиуаз адрон карыжьит. Заанаҵтәи аинформациала ԥырхагак ҟамлеит. Аҭыԥ ахь инеиит амаҵзура ҷыдақәа", - иҩуеит Собианин.
Украинатәи амчрақәа аамҭа-аамҭала урыстәылатәи арегионқәа адронқәа рыла ирыжәлоит. Аиҳарак – аҳәаа иаԥну аҵакырақәа: Курсктәи, Бриансктәи, Белгородстәи аобластқәа, иара убасгьы Ҟрым.