АҞӘА, цәыббра 11 - Sputnik. Сергеи Собианин Москва ахада иалхраҟны аиааира игеит 76% алхыҩцәа рыбжьқәа иманы ҳәа аанацҳауеит РИА Новости, Урыстәыла АКХ адыррақәа шьаҭас иҟаҵаны.
Москва иахьатәи ахада изы рыбжьы арҭеит ҩ-миллионки бжаки инареиҳаны алхыҩцәа. Собианин дишьҭанеиуеит Мосгордума адепутат Леонид Зиуганов — 8,12%; анаҩс Аҳәынҭдума ахада ихаҭыԥуаҩ Борис Чернышов — 5,63%. Урҭ рзы рыбжьы арҭеит: 263 029-ҩык; 182 339-ҩык.
Зынӡа алхрақәа рхы рыладырхәит 3,2 миллионҩык москваа (50% алхыҩцәа). Абжьыҭира Иаку амш иалахәын урыстәылатәи арегионқәа 85, ДЖәРи ЛЖәРи налаҵаны. Еиҿкаан 4 000 алхратә компаниа.
Ҟарачы-Черьессиа, Ҟрым, Красноиарсктәи атәылаҿацә, Липецктәи аобласт рҿы иалырхуан Аҳәынҭдумахь адепутатцәа. Иара убасгьы 20 субиект рҿы иалырхуан адепутатцәа арегионалтә усбараҭқәа рахь, даҽа 16 рҿы - аҳҭнықалақьқәа рмуниципалтә еиҿкаарақәа рахь.