Аԥсны

Ажурналистцәа рзы ҩымштәи асеминар мҩаԥгахоит Москва Аҩнаҿы Аҟәа

Асеминарқәа рҿы аԥышәа змоу аекспертцәа еиҭарҳәоит авидеоконтент шаԥҵатәу, Telegram-канал аҿы анапаҵаҩцәа шеидкылатәу, асоциалтә ҳақәа рҿы аконтент ииашаны ишаларҵәатәу.
Sputnik
АҞӘА, цәыббра 12 – Sputnik. Акультура-усутә центр " Москва Аҩны" аҿы цәыббра 15 - 16 рзы АИХқәа русзуҩцәа рзы асеминар мҩаԥгахоит ҳәа аанацҳауеит ацентр апресс-маҵзура.
Асеминарқәа ирылахәхар рылшоит аԥышәа змоу реиԥш ҿыц иалагаз ажурналистцәа, аминистррақәа, аусбарҭақәа, аиҿкаарақәа рпресс-маҵзурақәа рнапхгаҩцәа, русзуҩцәа.
Асеминар аспикерцәа:
Игор Чекунов – ажурналист, аблогер, аспорттә хҳәааҟаҵаҩ (Россия-24, РБК, РИА Новости);
Мариа Кабанова – Мрагылара Ааигәеи Балтиеи рҿы Sputnik амультимедиатә центрқәа рдирекциа апродиусер;
Игор Челотканов – ацифратә коммуникациақәа рзы астратег ("Агентство Маслов").
Аҟазаратә-классқәеи апрактикумқәеи рзырхахоит авидеоқәа рырбара, Telegram-каналқәа раларҵәара, асоциалтә ҳақәа рҿы аккаунтқәеи аконтентқәеи раларҵәара.
Асеминар аихшьаалақәа рыла алахәылацәа ирыҭахоит хьыӡҳәалатәи асертификат. Аинырразы аҭел: +7 (940) 969-83-55.