Хықәкыс иҳамоу -еиҵагылоу абиԥарақәа Аиааира ҳзаазгаз ахаан ирхамышҭуа, апатриотизм рыланы рааӡароуп, убри азы аусмҩаԥгатәқәа зегьы ашколхәыҷқәа алахәуп, ҳәа азгәалҭеит аиҿцәажәараҿы Бганԥҳа.
"Иахьа асааҭ 19:00 рзы Гагра Аиааира ашҭаҿы ҳауаажәлар идырбахоит аибашьраҿы ииз ашәақәа ирызку афильмқәа. Цәыббрамза 16 рзы – Маҳадыр имҩаԥаҳгоит аконцертә программа. Цәыббрамза 18 рзы Гагра акультуратә хан аҿы иазгәаҭоуп аҟазаратә цәыргақәҵа аартра. Цәыббрамза 20 Аиааира ашҭаҿы имҩаԥгахоит ҳраионтә фольклортә коллективқәа рықәгылара. 24 рзы аестонцәа ахьынхо ақыҭатә клуб аҿы иҟалоит аныҳәатә программа. Аиааира амш аҽны ақалақь еиуеиԥшым аҭыԥқәа рҿы иқәгылоит ашәаҳәаҩцәа. Ашәа зҳәо аветеранцәа иааит аныҳәатә программа мҩаԥаҳгароуп ацхырра ҳашәҭ ҳәа, урҭгьы Аиааира ашҭаҿы иқәгылоит. Абиблиотекақәа рҿы имҩаԥгахоит аиԥыларақәа, аветеранцәа рыҽцәажәарақәа", - еиҭалҳәеит Бганԥҳа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.