АҞӘА, цәыббра 17 - Sputnik. Атуристтә усхк аҟны аусеицура иалацәажәеит Аԥсны атуризм аминистр ихаҭыԥуаҩ Дмитри Занҭариеи Мангистаутәи аобласт атуризм анапхгараҭара аиҳабы Маулен Габдулкалиеви.
"Аиԥылараан аганқәа алацәажәеит атуризм аусхк аҟны аусеицура лшарақәас иамоу атәы. Иара убас еибырҳәеит аҟазаратә коллективқәа еиҭанеиааиларц", - ҳәа ануп Аԥсны атуризм аминистрра иаланарҵәаз адырраҭараҿы.
Мангистаутәи аобласт Ҟазахсҭан алада-мраҭашәаратәи ахәҭаҿы ишьҭоуп, уа инхоит 800 нызқьҩык инареиҳаны ауааԥсыра.
Аԥсны атуризм аминистр Ҭеимураз Хышба зхадараҿы дыҟоу аделегациа ыҟоуп Ҟазахсҭан I Жәларбжьаратәи атуристтә форум "Стратегия устойчивого развития туризма в неустойчивом мире" аҿы, уи ақалақь Актау имҩаԥысуеит.