АҞӘА, цәыббра 20 – Sputnik. Ахаша, цәыббра 20, ашьыжь Шәача, Адлертәи араион Авиационнаиа амҩаҿы адизельтә былтәы зҭаз аизакырҭа амца акит ҳәа иҩуеит Telegram-канал аҿы Краснодартәи атәылаҿацә агубернатор Вениамин Кондратьев.
"96 метр ԥшьыркца амца акуп. Заанаҵтәи адыррақәа рыла, аӡәгьы ԥырхага имоуит. Аҭыԥ аҿы аус руеит 60-ҩык ауааи 15 ак атехникеи. Амца аҽарҭбаап ҳәа шәарҭара ыҟам", - ҳәа аниҵеит иара.
Кондратьев иҟалаз амзызқәа реилкаара иаҿуп иҳәеит. Ақалақь ахада Алексеи Копаигородски иҳәеит амца шдырцәаз. Аҳаирбаӷәазеи атранспорттә системеи аштаттә режим ала русура мҩаԥыргоит.