АҞӘА, цәыббра 21 - Sputnik. Урыстәыла аиҳабыра авалиутатә хәаахәҭрақәа збанкқәа алахәхар зылшо атәылақәа рсиа ркьыԥхьит.
Асиа иануп 31 тәыла, европатәиқәа рҟынтәи – Сербиа, НАТО атәылақәа рҟынтәи— Ҭырқәтәыла.
"Аҳәаанырцә ҩыза-тәылақәеи анеитрал-тәылақәеи рыкредиттә еиҿкаарақәеи рыброкерцәеи нашьҭуп урыстәылатәи авалиутатә џьармыкьахьи адеривативтә џьармыкьахьи ахәаахәҭразы ", — аҳәоит адырраҭараҿы.
Арҭ аҳәынҭқаррақәа реиқәыԥхьаӡа ашьақәырӷәӷәаразы ақәҵара инапы аҵеиҩит аиҳабыра рхада Михаил Мишустин. Аӡбра азырхоуп аҩыза-тәылақәеи анеитрал-тәылақәеи рмилаҭтә валиутақәа реиҭакра амеханизм хра аманы, еиҳатәны аҟаларазы.
СССР уаанӡатәи атәылақәа рҟынтәи асиа иаҵанамкит Украина, Молдова, Балтиа атәылақәа, Қырҭтәыла, Ҟазахсҭан.
Азин змоу атәылақәа рсиа: Азербаиџьан, Ермантәыла, Беларусь, Кыргызсҭан, Таџьикисҭан, Туркменисҭан, Узбекисҭан, Алжир, Бангладеш, Бахреин, Бразилиа, Венесуела, Виетнам, Египет, Индиа, Индонезиа, Иран, Катар, Китаи, Куба, Малаизиа, Марокко, Монголиа, ОАЕ, Оман, Пакисҭан, Саудтәи Аравиа, Сербиа, Таиланд, Ҭырқәтәыла, ААР.