"Ԥсра зқәым архәҭа" алагоит Аҳәынҭқарратә драматә театр аҿаԥхьа асааҭ 10:30 рзы, акциа алахәылацәа зегьы ирызшахоит афотосахьақәа. Анаҩс асааҭ 11:00 рзы уаантәи Ахьӡ-аԥша абаҳчахь идәықәлоит. Уаҟа ашәҭқәа анышьҭарҵалак ашьҭахь, Аиааира ашҭахь ицоит.
"Афотосахьақәа зегьы еиҭарҿыцын. Иҟоуп аибашьра ашьҭахь иҭахаз аибашьцәагьы рхаҿсахьақәак. Иҟоупу хатәгәаԥхрала иааны еибашьуаз рсахьақәагьы. Акциа иадԥхьалахоит аибашьцәа рфотоқәа зкуа ашколхәыҷқәа, астудентцәа. Сынтәа акциа аҽарҭбааит, сеигәырӷьоит аҿар ахьыҟало", – ҳәа лҳәеит Ҭарԥҳа.
Ҭарԥҳа еиҭалҳәеит ассоциациа амчала Аиааира аҳаҭыраз имҩаԥгаз егьырҭ аусмҩаԥгатәқәа ртәы.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.