АҞӘА, цәыббра 28 - Sputnik. Британиатәи, ирландиатәи актиор Маикл Гембон, Гарри Поттер ифильмқәа рҟны Альбус Дамблдор ироль назыгӡоз иԥсҭазаара далҵит, абри атәы аанацҳауеит РИА Новости амаҵзура Press Assosiation адыррақәа шьаҭас иҟаҵаны.
"Актиор Маикл Гембон 82 шықәса дшырҭагылаз ахәшәтәырҭаҟны иԥсҭазаара далҵит", — аҳәоит адырраҭара.
Гембон диит жьҭаара 19, 1940 шықәсазы Ирландиа. Аџьашьахәҟаҵарҭа "Хогвартс" аҿы ашкол адиректор ироль анагӡара далагеит афраншиза ахԥатәи афильм аҟынтә, актәии аҩбатәии ахәҭақәа рҟны ихәмаруаз Ричард Харрис иԥсҭазаара даналҵ ашьҭахь. Гембон иара убасгьы афильмқәа: "Kingsman: Ахьтәы мацәаз", " Илаиа ишәҟәы", " Паддингтон ихҭысқәа" рҟны дыхәмаруан.