АҞӘА, цәыббра 30 - Sputnik. Аԥсны Аслан Бжьаниа даҭааит Аԥсны жәлар Рџьынџьтәылтә еибашьраан игаз Аиааира 30 шықәса ахыҵра аҳаҭыр азы цәыббрамза 29 рзы иааз Амшынеиқәатәи афлот иатәу аракетақәа зықәгылоу аӷба "Циклон".
Бжьаниа аҳаҭыртә ҟарули аӷба уахьҭало игылаз амшынуааи аԥсшәа реиҳәеит, анаҩс иара аекскурсиа изымҩаԥыргеит.
Sputnik аҭыхратә бригада аӷба иҩнарымҵеит.
Аӷба аекипаж Ахақәиҭра ашҭаҿы арратә парад иалахәын.
"Циклон" Урыстәыла АМФ аилазаара иаларгалеит 2023 шықәса ԥхынгәымзазы. Иара ргылан керчтәи азауад "Залив" аҿы 2016 шықәсазы.
"Циклон" МРК проект 22800 "Каракурт" аҟны ираԥхьатәиу ӷбоуп, азенит-ракета-бзарбзантә комплекс "Панцирь-М" иаҵанакуеит. МРК проект 22800 "Каракурт" аибашьыга ӷбақәа ргәыԥ иаланы аиԥш ахалагьы анапынҵақәа рынагӡара иазырхоу аибашьыгаӷбақәа рҭыжьра иазкуп. Икылкааны ахара ихысуа амҵәыжәҩа змоу аракетақәа ркомплекс "Калибр", иара убасгьы азенит-ракета-бзарбзантә комплекс "Панцирь-М" зықәгылоу аӷбаҟынтә иалшоит амшынтәии аҟәаратәии хықәкқәа рықәыцҟьаара.