АҞӘА, цәыббра 30 - Sputnik. Урыстәыла Афедералтә еизара апалатақәа рхантәаҩцәа Валентина Матвиенкои Виачеслав Володини Аԥсны Жәлар Реизара аиҳабы Лаша Ашәба идырныҳәалеит Аԥсны Ахақәиҭреи Ахьыԥшымреи рымш. Абри атәы аанацҳауеит Апарламент аиҳабы.
Валентина Матвиенко иазгәалҭеит Аԥсны ҩажәижәаба шықәса ирылагӡаны шьаҿаӷәӷәала аҭышәынтәалареи ашәҭыкакаҷреи рымҩа ишану. Иара убас лара иазгәалҭеит сынтәа акрызҵазкуа даҽа рыцхә хадакгьы шазгәарҭо - Урыстәыла Аԥсны азханаҵеижьҭеи 30 шықәса аҵра.
"Афедерациа Ахеилак аҿы ҳаҭыр ақәырҵоит аурыс жәлари аԥсуа жәлари рыиашьаратә еизыҟазаашьақәа, урҭ аиҩызаратә еизыҟазаашьақәа дырҭбаауеит, апарламенттә усеицура аганахьалагьы. Уи ус шакәу шаҳаҭра ауеит ҳтәылақәа рзакәанԥҵаратә усзуҩцәа еымшааиратәи реимадарақәа, аурыс-аԥсуа стратегиатә партниорра ганрацәала арҭбаара иазырхоу", - ҳәа ануп адныҳәалараҿы.
Виачеслав Володин иакәзар, иазгәеиҭеит апарламенттә еимадарақәа рырҭбаара аҩтәылак рынхацәа ишырзеиӷьу, Аԥсны жәлар ирзеиӷьеишьеит аҭынчреи аизҳазыӷьареи.