АҞӘА, жьҭаара 1- Sputnik. Урыстәыла аҳаиртә хыхьчара ахархәагақәа уахыки-ҽнаки рыла аԥырҩы дызҭам ахархәагақәа 37 ҭадырхеит, абри атәы аанацҳауеит Урыстәыла атәылахьчара аминистрра.
Иара убасгьы, аҳаиртә хыхьчара ахархәагақәа ДЖәР икарыжьит украинатәи аҳаирплан Су-25, ишьақәдарҟьеит аицҭырҟьаратә система HIMARS-қәа хәба, имҩақәҵоу авиациатә бомба JDAM.
Урыстәыла аоператив-тактикатә авиациеи, аракетатә ари, артиллериеи 103 раион рҿы иҭадырхеит аӷа ируааи итехникеи. Иқәыцҟьаауп арадиолакациатә станциа, 110-тәи, 67-тәи акоманда-ԥшыхәратә ҭыԥқәа, иҭадырхеит 72-тәи амеханизациа зызуи 38-тәи амшын шьаҟатә бригадақәа рыруааи ртехникеи.
Купиансктәи ахырхарҭаҿы уахыки-ҽнаки рыла иҭархан 25-ҩык рҟынӡа аррамаҵзурауаа, ҩ-автомашьынак, агаубицқәа "Мста-Б", Д-30, аибашьыгатә машьына "Град", УАМ иҷыдоу ахархәараз 1-тәи абригада аџьаԥҳанышьҭаҵарҭа. Херсонтәи ахырхарҭаҿ - 30-ҩык рҟынӡа асолдаҭцәа, ҩ-машьынак, агаубица Д-30, еиԥырҟьоуп украинатәи адиверсиа-ԥшыхәратә ус, иԥжәоуп аракета-артиллериатә џьаԥҳанышьҭаҵарҭа.
Донецктәи ахырхарҭала 110-тәи 3-тәи абригадақәа ржәылара еиԥырҟьоуп, аӷа уахыи-ҽнаки рыла 150-ҩык инареиҳаны аруаа рыла ацәыӡқәа иоуит. Иара убас иҭархоуп аибашьыгатә машьынақәа ҩба, автомашьынақәа хԥа, атанкқәа ҩба, ахаланыҟәаратә артиллериатә шьақәгыла "Krab", агаубица Д-20.
Краснолимантәи ахырхарҭаҿы 65-ҩык инареиҳаны аруаа ҭархоуп, аибашьыгатә акәылӡмашьынақәа ҩба, апикапқәа ҩба, агаубица Д-20 ҩба. Алада-Донецктәи ахырхарҭаҿ иҭархоуп 35-ҩык асолдаҭцәа, х-кәылӡмашьынак, автомашьынақәа ҩба, иара убас агаубица FH70, ҩ-бзарбзанк Д-20, аибашьыгатә машьына "Град".
Запорожиетәи ахырхарҭаҿы иҭархоуп 30-ҩык асолдаҭцәа, танкк, аибашьыгатә акәылӡмашьынақәа ҩба, автомашьынақәа ҩба, абзарбзанқәа Д-20, Д-30, артиллериатә системақәа М777.