Иулиа аибашьра ҟалаанӡа аҿар ртеатр аҿы аус луан, ахәыҷтәы студиагьы еидкыланы илыман. Уимоу Санкт-Петербург арежиссиор изанааҭ ала аҵара дҭалахьан, аха уахь лцара залмыршахеит.
Иулиа нанҳәа 14 Ацҳа ҟаԥшь аҿы данааизгьы агәра лызгомыз аибашьра ишалагаз атәы, амза 17-нӡа Аҟәа дыҟан, анаҩс Гәдоуҭаҟа дцоит.
Иулиа Багаҭелиаԥҳа Ешыра-Афонтәи абаталион дшацлаз, Камани, Шромеи, Аҳбиуқи рҭарцәраан аԥсра абла ишхаԥшылаз, агәыԥ аҿы аҭыԥҳацәеи аибашьцәеи ирыбжьаз аиҩызареи аизыҟазаашьақәеи ртәы еиҭалҳәеит аиҿцәажәараҿы.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.