Кәыдрытәи аҩхааҿ иҟоуп ақыҭақәа Ажара, Чхалҭа, Ԥҭыш дара рыҩнуҵҟагьы аҳабла маҷқәа рылагь еихшоуп. Аԥшаҳәаҟны инхо аҭыԥантәи ауааԥсыра шмаҷугьы арахәааӡареи, адгьылқәаарыхреи, ашәарыцареи хныҟәгагас ирымоуп.
Аԥшаҳәа ашьхаҭыпаҿ излаҟоу ала, араҟа ашықәс аҩнуҵаҟа 180 мшы асы шьҭоуп. Лассы-ласс ақәа леиуеит, аӡын ҳауаԥхарра бжьаратәла -3 рҟынӡа илаҟәуеит. Аԥхын агәазы +28 градус аԥхарра ҟалоит.
Кәыдрытәи аҩхаа ҳәырԥсарроуп – Амилаҭ парк адгьылҵакыра 120 нызқь гектар ыҟоуп. Ари аҭыԥ аҟны еиқәханы иҟоуп здаҟам аҵиаақәеи аԥстәқәеи рдунеи - ҿырԥштәыс иаагозар, араҟа изҳауеит зшьапы шәпоу акыр иаҳараку амзаҵлақәа.
Урҭ рыдагьы аҩхааҟны ирызҳауеит хыԥхьаӡара рацәала уаҟа ада даҽаџьара иуԥымло аҭыԥантәи аҵиаа хкқәа. Урҭ рыбжьара аԥсуа гәил, ахәыц еиԥшу ацаҟьахыш, ижәытәӡатәиу ашьхаҳаршьыл, богадтәи аҽашәҭ, аԥсуа аҳәарч.