АҞӘА, жьҭаара 9 – Sputnik. 140-ҩык УАМ асолдаҭцәа уахыки-ҽнаки рыла иҭархоуп Донецктәи ахырхарҭаҿы. Абри атәы аанацҳауеит Урыстәыла атәылахьчара аминистрра.
Уи адагьы иҭархан акәылӡы машьынақәа хԥеи амашьынақәа ҩбеи.
Запорожиетәи ахырхарҭаҿы иҭархан 15-ҩык УАМ асолдаҭцәа, акәылӡы машьынақәа ҩба, амашьынақәа ҩба, агаубица Д-30, Купиантәи ахырхарҭаҿы иҭархан 170-ҩык аибашьцәа, апикапқәа ԥшьба, артиллериатә шьақәгыла "Акациа".
Краснолимантәи ахырхарҭаҿы иаԥырҟәҟәаан УАМ амеханизациа зызуу 63-тәи абриагада ажәылара, иҭархан 55-ҩык рҟынӡа аруаа, атанкк, ҩ-кәылӡмашьынак.
Алада-Донецктәи ахырхарҭаҿ иҭархан 200-ҩык солдаҭ, ҩ-кәылӡмашьынак, автомашьынақәа ԥшьба, агаубицақәа Д-20, Д-30, Купиансктәи ахырхарҭаҿы иҭархан 20-ҩык аррамаҵзурауаа, ҩ-кәылӡмашьынак, ҩ-автомашьынак, артиллериатә шьақәгылақәа "Гвоздика", артиллериатә системақәа М777, УАМ амеханизациа зызу 103-тәи рыбригада аџьаԥҳанышьҭаҵарҭа.
Аоператив-тактикатә авиациеи, аракетатә ари, артиллериеи иҭадырхеит 105 раион рҿы аруааи атехникеи. Иқәыцҟьаауп аоператив-тактикатә гәыԥ "Донецк" аштаби УАМ 79-тәи абригада аимадарҭа ҭыԥи.
Аҳауаҽацәыхьчаратә хархәагақәа икарыжьит аицҭырҟьаратә система HIMARS ареактивтә хгәыцәқәа, аԥырҩы дызҭам ахархәагақәа 14.