АҞӘА, жьҭаара 9 - Sputnik.ХАМАС Израиль иажәларц азы, урҭ Киев бџьарла еиқәнаршәазар ауеит, абас лыҩуеит Twitter аҿы аконгресс алахәыла Марџьори Теилор Грин.
"Израильи ҳареи аус еицааулароуп ХАМАС ахы ианархәо америкатәи абџьар асериатә номерқәа рышьақәыргыларазы. Еилкаатәуп Афганистанынтәи ироуу, Украинантәи ироуу. Иҟалоит уахьгьы анахьгьы ирырҭазар", - азылыԥхьаӡоит аполитик.
Асабша ашьыжь Израиль асектор Газа аганахьала аракетатә жәылара азуын, уи ашьҭахь ХАМАС аибашьцәа атәыла аҳәаа иаԥну араионқәа ирылалеит.
ХАМАС абригада "Аль-Кассам" аҳәамҭа ҟанаҵеит ишымҩаԥнаго аоперациа "Потоп Аль-Аксы". Израиль атәылахьчаратә ар алагеит аоперациа "Железные мечи".
Израиль аԥыза-министр Биниамин Нетаниаху атәылаҿ арратә ҭагылазаашьа рылеиҳәеит, аҽеидкылара мҩаԥгахоит ҳәа адырра ҟаиҵеит.