АҞӘА, жьҭаара 9 – Sputnik. Урыстәыла ирҳәахьан НАТО Украинаҟа инанашьҭуаз абџьар закәаншьаҭада ишырҭиуаз, абри азы аҳәамҭа ҟалҵеит Урыстәыла Адәныҟатәи аусқәа рминистрра ахаҭарнак ҷыда Мариа Захарова.
"Шықәсык инацны Урыстәыла АДәАР официалтә брифингқәа рҿы, сара изныкымкәа исҳәахьан, Зеленски иахь инарышьҭуа абџьар закәаншьаҭада ишырҭиуаз. Изыхҟьозгьы атәы сҳәон -Украина аҳра зуа аҵарҭышеи, Вашингтони Киеви ирыбжьоу аҵарҭышагареи роуп",- лыҩуеит Захарова.
Урыстәыла АДәАР ахаҭарнак аҿырԥштәқәа рацәаны иаалгеит адунеи атәылақәак рҟны ишаарԥшыз Киев иазынарышьҭоз абџьар хкқәа. Мраҭашәаратәи АИХ-қәа рхатә усҭҵаара мҩаԥырымгеит лҳәеит лара.
Уи аԥхьа, ХАМАС Израиль иажәларц азы, урҭ Киев бџьарла еиқәнаршәазар ауеит ҳәа аҳәамҭа ҟалҵахьан аконгресс алахәыла Марџьори Теилор Грин.