Аԥсны аҳәынҭқарра ахада Аслан Бжьаниа Москва иҟазаара аҳәаақәа ирҭагӡаны Урыстәыла аҳҭнықалақь аҿы иреиҳау аҵараиурҭақәа рҿы аҵара зҵо аԥсуа студентцәа дырԥылеит.
"Аиԥылараҟны иалацәажәан Аԥсны аҿиараҿы хра злоу еиуеиԥшым азҵаарақәа, аҿар раԥхьа иҟарҵараны иҟоу ашьаҿақәа, насгьы ҳтәыла аизҳараҿы хырхарҭа хадас иҳамоу. Ишьҭыхын акадртә политика азҵаарагьы. Астудентцәа иазҵаауан иарбан занааҭқәоу Аԥсны иаҭаху. Атәыла ахада иаартны драцәажәеит астудентцәа, даара ргәы иаахәеит ас еиԥш аҭагылазаашьа ахьрымаз, иаарту адиолог ахьымҩаԥысыз", - еиҭалҳәеит Бжьаниаԥҳа.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.