АҞӘА, жьҭаара 12 - Sputnik. Sputnik ажурналисти иԥҳәыси хәуп, ԥшьышықәса зхыҵуаз рыԥҳа дҭахеит Белгород амҵан УАМ адронқәа рыла ианжәылоз ҳәа ааицҳаит амедиагәыԥ "Россия сегодня" адиректор хада Дмитри Киселиов.
"Украинатәи адрон ажәылараан Sputnik афгантәи аредакциа ажурналист, 29 шықәса зхыҵуа Хаибар Акифи иԥҳәыс Олесиеи ахәрақәа роуны ареанимациаҿ ишьҭоуп. Дҭахеит ԥшьышықәса зхыҵуаз рыԥҳа Амина", — иҳәеит иара.
Амедиагәыԥ "Россия сегодня" адиректор хада иазгәеиҭеит ари ажәылара террористтә актуп ҳәа. Иазгәеиҭеит Киев афронт аҿы алшарақәа рмаҷра аҭынч уааԥсыра ирыхнаҟьоит ҳәа. Уажәы аҭаацәа ирыцхраауеит, адгылара рырҭоит. Азҵаара ықәгылоуп урҭ Москваҟа риагаразы.
Аԥырҩы дызҭам украинатәи ахархәага акаҳараан Белгород ахатәыҩнқәа ааха роуит ҳәа адырра ҟаиҵеит агубернатор Виачеслав Гладков. Иара иажәақәа рыла, иҭахеит ахәыҷы дназлаз хҩык ауааԥсыра.
Аҳауаҽацәыхьчаратә системақәа адрон Белгород ианазааигәахоз икарыжьит ҳәа азгәаҭан уаанӡа. Аԥхьа ҩыџьа аахақәа роуит ҳәа ишьан, аха нас аиқәырхаҩцәа аԥсыбаҩқәа аҩнқәа ирыҵыргеит. Ҩ-ҩнык шьаҭанкыла еилаҳаит, иҟоуп аахақәа зауызгьы.