АҞӘА, жьҭаара 18 – Sputnik. Урыстәыла Аҳәынҭқарратә дума адепутатцәа иӡшьартәу агаз Аԥсныҟа баџьда аагаразы аԥкаанҵа рыдыркылеит ҳәа аанацҳауеит РИА Новости.
Лаҵара 16, 2023 шықәсазы знапы аҵаҩыз аԥкаанҵаҟны Урыстәылантәи Аԥсныҟа баџьда иаарго атауарқәа ирылакуп апропан.
"Аамҭалатәи аԥкаанҵа ахархәара арҭоит, избанзар апропан ихымԥадатәиу атауарқәа ирхыԥхьаӡалоуп. Аԥсны афымцамч азымхара иахҟьаны Урыстәылантәи ҳреспубликахь шықәсык иалагӡаны ҩ-нызқь тонна иӡшьартәу агаз ааргоит", - ҳәа азгәаҭоуп апроект аилкаанҵаҟны.
Аамҭалатәи аԥкаанҵа жәамш рыҩнуҵҟа ахархәара арҭоит, амчра аиуеит иахәҭоу аҳәынҭқарраҩнуҵҟатәи ауснагӡатәқәа шынарыгӡаз азы адырра аныҟалалак ашьҭахь.