Гал араион ақыҭанхамҩа аусбарҭа агроном хада Лери Шьониа арадио Sputnik аефир аҟны еиҭеиҳәеит сынтәа ацитрус шәырқәа рганахьала аҽаҩра зеиԥшроу, иара убасгьы араион анхацәа аџьықәреи шаҟа аадрыхыз.
"Аҽаҩра ( ацитрус шәырқәа-азгәаҭа) ҵыԥхтәи ашықәс иаҿурԥшуазар, сынтәа аурақәа иаҳа имаҷуп, 30 % рҟынӡа еиҵахоит. Араион аҟны 2 нызқь тонна рҟынӡа ацитрус шәырқәа ҟалоит ҳәа ҳақәгәыӷуеит, ахаҭабзиарагьы хар амамкәа, уеилаҳаратәы иҟоуп. Угәы шьҭнахуеит араион аҟны ацитрус шәырқәа аус шрыдыруло", - иҳәеит Шьониа.
Иара убасгьы, Гал араион агроном хада иҳәеит сынтәа аџьықәреи аҽаҩра ҵыԥхтәи аасҭа акыр ишеиӷьуп. Ҵыԥх, иара иажәақәа рыла, 5 нызқьи 500 тонна иахьазыԥшыз, 1500 тонна роуп аџьықәреи иаадрыхыз, сынтәа 3,5 - 4 нызқь тонна рҟынӡа иҟалоит.
Аицәажәара инеиҵыхны ишәаҳар шәылшоит аудиофаил аҟны хыхь.