АҞӘА, жьҭаара 21 - Sputnik. Асектор Газа ауааԥсыра рзы агуманитартә цхыраара аушьҭырҭа-гәаҭаратә ҳәаа "Рафах" иахысит, абри атәы аанацҳауеит РИА Новости ателеканал al Arabiya адыррақәа шьаҭас иганы.
"Египет аганахьала аушьҭырҭа-гәаҭаратә ҳәаа "Рафах" иахысит амедицинатә маҭәахәқәа зқәу агуманитартә машьынақәа", - ҳәа ааицҳауеит аҭыԥаҟынтәи акорреспондент.
Иазгәаҭоуп, аҳәааҟны 200 машьына рҟынӡа шгылоу.
Аидара рыҭахоит Аџьар ҟаԥшь Египеттәи аилазаара, асектор Гага ахь инарышьҭырц.
Жьҭаара 7, асабша ашьыжь Израиль асектор Газа аганахь ала аракетақәа рыла иажәлеит, уи ашьҭахь ХАМАС аибашьцәа атәыла аҳәаа иаԥну араионқәа ирылалеит, ауаа рацәаҩны итҟәаны иргеит. Уи аҭакс ЦАХАЛ аоперациа "Железные мечи" иалагеит.
Израильтәи аруаа аҳәаа иаԥну аиланхарҭақәа зегьы хылаԥшра рырҭо иалагеит, анклавгьы ракетала иажәлеит. Иара убасгьы ЦАХАЛ аҳәамҭа ҟанаҵеит асектор амацәаз ишҭаркуа, аӡы, афымцалашара, ахәшәқәа, афатә рыҭара шааныркыло.