АҞӘА, жьҭаара 21 - Sputnik. Урыстәыла аҳаиртә хыхьчара ахархәагақәа уахыки-ҽнаки рыла иҭадырхеит украинатәи аҳаирпланқәа Миг-29 быжьба, абри атәы аанацҳауеит Урыстәыла атәылахьчара аминистрра.
Уи адагьы, мчыбжьык иалагӡаны иҭархан аԥырҩы дызҭам ахархәагақәа 314, ишьақәдарҟьеит аицҭырҟьаратә система HIMARS-қәа 35, ажәыларатә ракетақәа хәба, авиациа азы арҭҟәацгақәа "JDAM" фба", - аанацҳауеит аусбарҭа.
Урыстәыла атәылахьчара аминистрра ишаанацҳауа ала, жьҭаара 14 инаркны 20 рҟынӡа урыстәылатәи аруаа иԥыржәеит аџьаԥҳанышьҭаҵарҭақәа, арратә техника ахьҭрыжьуаз анаплакқәа, иара убас украинатәи аибашьцәеи, амилаҭеилыхаҩцәеи, қьырала еибашьуеи ртәарҭа ықәыцҟьаауп.
Купиантәи ахырхарҭаҿы мчыбжьык иалагӡаны Киев иацәыӡит 955-ҩык аибашьцәа, атанкқәа жәаба, акәылӡымашьынақәа 27, амашьынақәа 20, артиллериа реибашьыгақәа 18. Краснолимантәи ахырхарҭаҿы -940-ҩык аибашьцәа, ҩ-танкк, акәылӡымашьынақәа 21, амашьынақәа 14, ахгәыцәқәа хәба.
Донецктәи ахырхарҭаҿы аӷа ижәыларақәа 25 аԥырҟәҟәаан, 2065-ҩык аибашьцәа ҭархан, ԥшь-танкк, акәылӡымашьынақәа 14, амашьынақәа 27, аџьаԥҳанышьҭаҵарҭеи арратә техникеи ргыларҭа.
Алада-Донецктәи ахырхарҭаҿы УАМ иацәыӡит 1010-ҩык аруаа, акәылӡымашьынақәа жәба, амашьынақәа 19. Запорожиетәи ахырхарҭаҿы 475-ҩык аибашьцәа, атанкқәа 11, акәылӡымашьынақәа 22, амашьынақәа 18. Херсонтәи ахырхарҭаҿы- 345-ҩык асолдаҭ, анышьқәа 48, амашьынақәа 38, ахгәыцәқәа 11.