АҞӘА, жьҭаара 22 - Sputnik. Израильтәи арбџьармчқәа Дамаски Алеппои рҳаирбаӷәазақәа русура еиԥдырҟьеит, абри атәы аанацҳауеит РИА Новости Шьамтәылатәи аҳәынҭқарратә телехәаԥшра адыррақәа шьаҭас иганы.
Иахьа асааҭ 5:25 рзы израильтәи аган аракетақәа рыла иажәлеит жәларбжьаратәи аҳаирбаӷәазақәа Дамаски Алеппои", - аҳәоит адырраҭараҿы.
Ашьҭыԥраарҭа-тәарҭатә цәаҳәақәа ааха рыҭан, аҳаирбаӷәазақәа русура еиԥҟьоуп. Аҳаирбаӷәаза аусзуҩцәа руаӡәк дҭахеит, даҽаӡәы дхәуп.
Жьҭаара 7, асабша ашьыжь Израиль асектор Газа аганахь ала аракетақәа рыла иажәлеит, уи ашьҭахь ХАМАС аибашьцәа атәыла аҳәаа иаԥну араионқәа ирылалеит, ауаа рацәаҩны итҟәаны иргеит. Уи аҭакс ЦАХАЛ аоперациа "Железные мечи" иалагеит.
Израильтәи аруаа аҳәаа иаԥну аиланхарҭақәа зегьы хылаԥшра рырҭо иалагеит, анклавгьы ракетала иажәлеит. Иара убасгьы ЦАХАЛ аҳәамҭа ҟанаҵеит асектор амацәаз ишҭаркуа, аӡы, афымцалашара, ахәшәқәа, афатә рыҭара шааныркыло.