АҞӘА, жьҭаара 23 - Sputnik. Чечниатәи акоманда актәи аҭыԥ агеит зымаха-шьаха еибгам рыбжьара ашьапылампыл маҷ азы Аҟәа имҩаԥысуаз XI Жәларбжьаратәи атурнир аҿы. Абри атәы аанацҳауеит Аԥсны Аҿари аспорти рзы Аҳәынҭқарратә еилакы.
Афинал аҿы чечниатәи акомандеи аԥснытәи ашьапылампыласцәеи еиԥылеит. Аматч хыркәшан 4:3 ҳәа.
Ахԥатәи аҭыԥ азы ахәмарраан еиԥылеит Кемеровои Барнаули. Барнаулаа аиааира ргеит 1:0 ҳәа.
Иреиӷьыз ахәмарцәа ҳәа рыхьӡ рҳәеит Сергеи Мошкин, Сергеи Ананьев, Алхас Амԥар, Магомед Абуев, Асланбек Шахбулатов, Мез Арџьениа, Вадим Вахрамеев, Дмитри Удалов.
Атурнир аиҿкааҩцәа – Аԥсны Аҿари аспорти рзы Аҳәынҭқарратә еилаки Урыстәыла Ахымхәацәа реидгылеи.
Атурнир аиҿкааҩцәа – Аԥсны Аҿари аспорти рзы Аҳәынҭқарратә еилаки Урыстәыла Ахымхәацәа реидгылеи.