АҞӘА, жьҭаара 24 - Sputnik. Краснодартәи атәылаҿацә аҿы Урыстәыла АШәМ аҳәаахьчаратә усбарҭа аусзуҩцәа Аԥсныҟа анаркотикқәа ралагалара аԥдырҟәҟәааит ҳәа аанацҳауеит аусбарҭа апресс-маҵзура.
Иаанкылаз, 30 шықәса зхыҵуа атәымтәылауаҩ игәҭакын Аԥсныҟа 300 грамм аметадон алагалара. Анаркотиктә маҭәашьар згәылаз аилаҳәара автомашьынаҿ иҵәахын, иаарԥшын аушьҭырҭатә ҭыԥ "Адлер" аҟны агәаҭараан.
Аусбарҭа аусзуҩцәа аҭагылазаашьа аилкааразы ауснагӡатәқәа мҩаԥыргоит, азакәан инақәыршәаны аӡбара рыдыркыларазы.