АҞӘА, жьҭаара 26 – Sputnik. Асектор Газа аҿы иҭахахьеит быжьнызқьҩык инареиҳаны ауааԥсыра ҳәа аанацҳауеит РИА Новости ателеканал Al-Arabiya адыррақәа шьаҭас иганы.
"Израиль имҩаԥнаго ахысрақәа ирыхҟьаны асектор Газа аҿы иҭахахьеит 7 028-ҩык, ахәрақәа роухьеит 18 484-ҩык", – аҳәоит адырраҭараҿы.
Израиль аиҳабыра рдыррала иҭахахьеит 1.4 нызқьҩык ауааԥсыра. Урҭ рҟынтәи 300-ҩык аруаа иреиуоуп. Аахақәа рымоуп 5 000-ҩык.
Жьҭаара 7, асабша ашьыжь асектор Газа аганахь ала Израиль аракетақәа рыла иажәлеит, уи ашьҭахь ХАМАС аибашьцәа атәыла аҳәаа иаԥну араионқәа ирылалеит, ауаа рацәаҩны итҟәаны иргеит. Уи аҭакс ЦАХАЛ аоперациа "Железные мечи" иалагеит. Израильтәи аруаа аҳәаа иаԥну аиланхарҭақәа зегьы хылаԥшра рырҭо иалагеит, анклавгьы ракетала иажәлеит.
Иара убасгьы Тель-Авив аҳәамҭа ҟанаҵеит асектор амацәаз ишҭаркуа, аӡы, афымцалашара, ахәшәқәа, афатә рыҭара шааныркыло азы. Палестина агәабзиарахьчара аминистрра адырра ҟанаҵеит Газа агәабзиарахьчара асистема шеилаҳаз, зыда ԥсыхәа ыҟам ахәшәқәаҵәҟьагьы шазымхо.