Воуԥҳа иазгәалҭеит аковид анаҩс егьырҭ аҿкычымазарақәа рхы шьҭырхуа ишалагаз, аковид акәзар уи ԥхынгәымзазгьы изыхьуаз ыҟан ҳәа.
"Уажәтәи аамҭазы хәыҷык ахы иҩахеит аковид, избанзар ахьҭақәагьы ҟалоит, егьырҭ ачымазарақәа -аимҳәаршәаа, амгәахьаа, аимҳәа, ахәдахьаа, аресператортә чмазарақәа рыхкқәа. Исҳәар сҭахым даара ирацәаҩуп ичмазаҩу ҳәа. Ҵыԥх уажәааны еиҳан ичмазаҩыз. Аҟәа аҩнуҵаҟа 170-ҩык рҟынӡа аковид чмазара рыхьуеит. Урҭ рҟынтәи 16 –ҩык ахәыҷқәа. Ачымазара бзианы имҩаԥысуеит, усҟак цәгьара аҵам. Ҩыџьа роуп Гәдоуҭаҟа ахәшәтәырҭахь идәықәаҳҵаз", - лҳәеит Воуԥҳа.
Агрипп чмазара аҟынтәи Агәабзиарахьчара аминистрра ирынаҭаз 700 лаҵа рҟынтәи 200 роуп иаанханы иҟоу иахьазы, лҳәеит Воуԥҳа.
"Ауаа агәаран иқәгылоуп сызҳәом, аха ҽнак хәҩы-фҩы неины иҟарҵоит алаҵа", - лҳәеит Воуԥҳа.
Аҟәатәи аинфекциатә хәышәтәырҭаҟны иахьала 13-ҩык шьҭоуп, урҭ рахьынтә 10 - ҩык хәыҷқәоуп, ҳәа адырра ҟалҵеит Воуԥҳа.
Аицәажәара инеиҵыхны ишәаҳар шәылшоит аудиофаил аҟны хыхь.