АҞӘА, жьҭаара 29 - Sputnik. Урыстәылатәи аруаа Украина Арбџьармчқәа 79-тәи адесант-жәыларатә бригада ахылаԥшра-дҵаҟаҵаратә пункт еилаԥырхааит ДЖәР Новомихаиловка иахьаҵанакуа, абри атәы аанацҳауеит Урыстәыла атәылахьчара аминистрра.
Уи адагьы, Подлиман иахьаҵанакуа УАМ 66-тәи амеханизациа зызуу абригада аимадара аҳа ааха аҭоуп.
Уахыки-ҽнаки рыла урыстәылатәи аҳауаҽацәыхьчаратә хархәагақәа иҭадырхеит украинатәи адронқәа 44.
Купиансктәи ахырхарҭаҿы УАМ ажәыларақәа ҩба аԥырҟәҟәаауп, иҭархоуп 165-ҩык украинатәи аруааи ҩ-пикапки.
Даҽа ҩ-жәыларак аԥырҟәҟәаан Краснолимантәи ахырхарҭаҿы, УАМ 63-тәии 66-тәии амеханизациа зызуу абригадақәа рыруааи ртехникеи ааха рыҭан. Уахыки-ҽнаки рыла Киев иацәыӡит 70-ҩык рҟынӡа асолдаҭцәа.
Донецктәи ахырхарҭаҿы Украина иацәҭахеит 110-ҩык рҟынӡа ауаа, акәылӡымашьынақәа ҩба, ҩ-пикапк, артиллериатә система М777, агаубица Д-30, иара убас аԥырҩы дызҭам ахархәагақәа рнапхгараҭаратә ҭыԥқәа ҩба.
Алада-Донецктәи ахырхарҭаҿы ԥшь-жәыларак аԥырҟәҟәаауп, ааха рыҭоуп 72-тәи амеханизациа зызуу абригада аруаа. Киев иацәыӡит 130-ҩык рҟынӡа асолдаҭцәа, акәылӡытранспортиор, ҩ-автомашьынак, агаубица Д-20.
Запорожиетәи ахырхарҭаҿы УАМ иацәыӡит 40-ҩык рҟынӡа аруаа, ҩ-кәылӡымашьынак, аа-автомашьынак, арадиолокациатә ҿагылара астанциа "Буковель", Херсонтәи ахырхарҭаҿы - 55-ҩык рҟынӡа асолдаҭцәа, ҩ-автомашьынак, ҩ-гаубицак "Мста-Б".