Жьҭаара 30 - абҵара 5 рызтәи Аԥсны акультуратә афиша - Sputnik аматериал аҿы.
Амза аҵыхәтәантәи амшқәа ҩба рзы РУСДРАМ асценаҿ асааҭ 19 рзы ахәаԥшцәа ирыдгалахоит аспектакль "Абырг Хабыгә игәыжь ажәабжь", ԥсра зқәым аклассик Фазиль Искандер ирҿиамҭала. РУСДРАМ ақәыргыламҭа аԥсуа ԥсҭазаара аенциклопедиак аиԥш ишьақәыргылоуп. Аспектакль арежиссиор-ақәыргылаҩ - Антон Корнилов.
Абҵара 2 - 3 асааҭ 19:00 рзы РУСДРАМ аҿы иддырбоит аспектакль "Мама" - адраматург Флориан Зеллер. Аспектакль ықәыргылоуп ГИТИСи Росконцерти еицымҩаԥыргаз апроект аҳәаақәа ирҭагӡаны. Аспектакль аҿы ишьҭыхуп аҭаацәа рызҵаара, адәахьтәи аҿраԥшра иаҵаҵәаху аҟазшьақәа.
Абҵара 5 асааҭ 19:00 рзы РУСДРАМ аҿы иддырбоит "Ревизор" - Николаи Гоголь иҩымҭала. Ари арҿиамҭа иахьагьы актуалра шалац иалоуп.
Жәлар рыкәашарақәа бзиа избо аҭаарц рылшоит аконцерт "Ажәларқәа реиҩызара" (амҽыша, асааҭ 17:00 рзы).
Аԥснытәи Аҳәынҭфилармониа асценаҿы рҟазара ддырбоит ҩ-коллективк – Кавказтәи акәашарақәа рансамбль "Кавказ аритмқәа" (анапхгаҩы Ахра Саманџьиа), адыга кәашара ансамбль "Адыгеиа ақәыԥшра" (анапхгаҩы Мурат Хашукоев).
Абҵарамза раԥхьатәи амш азы Ацәыргақәҵатә зал хадаҿы иаадыртуеит асахьаҭыхыҩ- аграфик, апортретист, Аԥсни Урыстәылеи Рсахьаҭыхыҩцәа реидгыла алахәыла Руслан Чхамалиа ихатәы цәыргақәҵа.