Риҵатәи амилаттә ҳәырԥсарра акоманда аҽыбӷаҟазаратә спорт азы Аԥсны Ачемпионат аҿы аиааира агеит.
Ачемпионат аҟынӡа ҩымз шагыз аҽыбӷаҟазаратә спорт азы Ҟәланырхәатәи акоманда ахаҭарнакцәа Ачемпионат алахәхаразы рыӡбамҭа рыманы иааит ҳәа азгәеиҭеит аиҿцәажәараҿы Багаҭелиа. Аҽыбӷаҟазаратә федерациа аԥҟарақәа рыла, ҿыц еизгоу акоманда аԥҵаразы ԥырхага ҳәа ак ыҟамызт, инаҵишьит иара.
"Дара иҟарҵаз аҳәара ҳадымгылазҭгьы, сынтәа Ачемпионат иалахәхаӡомызт. Гәдоуҭа араион ф-қыҭак еизганы араион ахьӡала изықәгыломызт, имыцхәын. Ари сынтәатәи аус ауп, аиқәшаҳаҭра ҳабжьаҵаны акоманда аныҟәгара ҳхахьы иаҳго акәымкәа. Ҩымз иалагӡаны аҽқәа рыкраҿаҵара ҳара ҳхахьы иаҳгеит. Ҳаԥхьаҟагьы иаҭаххар адгылара раҳҭоит, аха уи алацәажәара макьана заацәоуп", - ҳәа иҳәеит Багаҭелиа.
Риҵатәи амилаҭтә ҳәырԥсарра аиҳабы иажәақәа рыла, ари аспорт хкы аџьбаа ду ацуп, адгылара бзиагьы аҭахуп.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.