АҞӘА, жьҭаара 31 - Sputnik. Аџьаама Аииа-Софиа аҭалара аҳәаанырцәуаа рзы ахә ақәҵахоит 2024 шықәса ажьырныҳәа 15 инаркны ҳәа аҳәамҭа ҟаиҵеит Ҭырқәтәыла акультуреи атуризми рминистр Мехмет Нури Ерсои.
"Аџьаама Аииа-Софиа аҭалара аҳәаанырцәуаа рзы ахәԥса ақәҵахоит 2024 шықәса ажьырныҳәа 15 инаркны. Ҭырқәтәыла атәылауаа рзы ихәыдаԥсадоуп", - ҳәа иҳәеит аминистр абрифинг аҿы.
2020 шықәсазы атәыла ахада Таип Ердоган инапынҵала абааш џьааманы иҟарҵеит, аԥсылманцәа ирнеирҭахеит. Раԥхьаӡа акәны ара анамаз ркит ԥхынгәы 24 2020 шықәсазы. Убри аахыс аҭааҩцәа зегьы рзы уахь анеира хәыдаԥсадан.
Уаанӡа атуристцәа аџьаама иҭалар ҟалон амузеитә абонемент ала ма акассаҿы абилеҭ аахәаны. 2020 шықәсазы аҳәаанырцәуаа рзы абилеҭ 100 лир ( 15 доллар) иаԥсан.