Москва, абҵара 2- Sputnik. ИАР атәылақәа иахьа Урыстәыла заҵәык иақәгәыӷыр иашам, дасу аҭакԥхықәра шәхахьы ижәгароуп, абас иҳәеит Жәларбжьаратәи амедиагәыԥ "Россия сегодня" адиректор хада Дмитри Киселиов II Жәларбжьаратәи афорум "Зҽызыԥсахуа адунеи аҿы амедиа аҿиара" аартраан.
"ИАР атәылақәа иахьа Урыстәыла заҵәык иақәгәыӷыр иашам зегь иҟарҵаша иара иҟанаҵоит ҳәа, дасу шәлахьынҵа шәазхәыцны аҭакԥхықәра шәхахьы ижәгароуп. Адунеи аҿы иҟоу жәбоит, алкаақәа ҟашәҵа", - иҳәеит Дмитри Киселиов.
Жәларбжьаратәи афорум "Зҽызыԥсахуа адунеи аҿы амедиа аҿиара" иуникалу ҭыԥуп иахьатәи аамҭазтәи амедиеилазаара анализ азуразы, уаҵәтәи амш азгәаҭараз, амедиаусхк аҿиара иаԥырхагамхаша амеханизмқәа аус рыдулараз, ИАР атәылақәа рмедиақәа рыԥсҭазаараҿы еиҳа иакутуалу азҵаарақәа рылацәажәаразы.
Афорум аҿы иқәгылеит Екатерина Ларина – Урыстәылатәи Афедерациа ацифратә ҿиара, аимадара, амассатә коммуникациақәа рминистрра амассатә коммуникациақәа рыҿиареи жәларбжьаратәи аусеицуреи рдепартамент адиректор. Дмитри Киселиов- Жәларбжьаратәи амедиагәыԥ "Россия сегодня" адиректор хада. Мариа Захарова- Урыстәылатәи Афедерациа АдәАр аинформациеи акьыԥхьи рдепартамент адиректор. Екатерина Мизулина-ишәарҭадоу аинтернет Алига адиректор, Амилаҭтә мониторингтә цхырааратә центр анагӡаратә директор.