АҞӘА, абҵара 12 - Sputnik. Газа аҟынтәи 60-ҩык инареиҳаны урыстәылауаа ахгоуп ҳәа аанацҳауеит Урыстәыла АҶА апресс-маҵзура.
"Урыстәылатәи Афедерациа атәылауаа 60-ҩык инареиҳаны Рафах агәаҭара-аушьҭырҭатә ҭыԥ иахысны Египет аҵакыраҿ иҟоуп", - ҳәа аҳәоит акьыԥхьымҭаҿ.
Урыстәыла АҶА-еи урыстәылатәи адипломатцәеи еицымҩаԥырго ауааԥсыра ралгара еиҿкаан ишәарҭам ахырхарҭала.
Урыстәылауаа ҭыԥан амедицинатәи апсихологиатә цхыраареи роуеит, афатәи аӡыржәтәи рырҭоит. Урыстәылауаа Газа аанрыжьуеит Египети анквали рыбжьара иҟоу агәаҭара-аушьҭырҭатә ҭыԥ "Рафах" ала. Анаҩс зегьы Урыстәыла АҶА аоперштаб ахьыҟоу Каирҟа ирышьҭоит. Уаҟа урыстәылауаа ыҟазаауеит иахәҭоу ашәҟәқәа зегь рзеиқәдыршәаанӡа.
Уаанӡа Израиль иҟоу урыстәылатәи ацҳаражәҳәҩ Анатоли Викторов иҳәахьан иахыгатәу рсиаҟны 600-ҩык рҟынӡа урыстәылауаа шыҟоу.