Жәларбжьаратәи аҭҵаарадырратә стол гьежь мҩаԥысит Ставрополь Аҩада-Кавказтәи афедералтә университет аҿы "Россия и Закавказье в историческом измерении и пространстве” ҳәа. Иара иалахәын Аԥсуаҭҵааратә институт адиректор Арда Ашәба, аинститут аҭоурых аҟәша аҭҵаарадырратә усзуҩ еиҳабы Сослан Салаҟаиа, аетнологиа аҟәша аҭҵаарадырратә усзуҩ Виктор Аҩӡба.
Раԥхьаӡа акәны аусмҩаԥгатә иалахәыз Виктор Аҩӡба арадио Sputnik аефир аҿы еиҭеиҳәеит Аҩада-Кавказтәи афедералтә университет аҿы ишеиҿкааз аконференциақәа хԥа. Ирацәаҩын уи алахәылацәа еиуеиԥшым аҭҵаарадырратә институтқәа рҟынтә.
Виктор Аҩӡба иажәахә аԥсуаа рытрадициатә зиндырра, зинеилкаара, усеилыргара иазкын. Аусумҭаҿы иаарԥшыз атәы, насгьы аҵарауаа еиҳарак изызҿлымҳахаз атәы шәазыӡырҩыр шәылшоит аудиофаил аҿы.