АҞӘА, абҵара 19 - Sputnik. Урыстәыла АҶА иҷыдоу аҳаирплан 120 аурыс ҭаацәара Газа иалганы Москваҟа инанагоит. Абри атәы аанацҳауеит аусбарҭа апресс-маҵзура а-Telegram-канал аҿы.
120-ҩык инареиҳаны автобусқәа рыла инаргеит Каир иҟоу Урыстәыла АҶА аусбарҭахь.
Аотриад "Центроспас" анестезиолог-ареаниматолог Виктор Белински иажәақәа рыла, аҳақьымцәа ирыдҵаало ауаа зегьы ацхыраара рыҭан, ахәшәқәа рзыршеит, абжьгарақәа рзыҟарҵеит. Раԥхьа иргыланы азҿлымҳара рзаарԥшын хышықәса рҟынӡа зхыҵуа ахәыҷқәеи абыргцәеи.
Агәаҭара-аушьҭратә ҭыԥ "Рафах" – Газа уаналҵуа еиҳа аладахьы иҟоу аушьҭырҭатә ҭыԥуп, уи Израиль изхыламԥшуа иакзаҵәыку ҭыԥуп. Уантәи ауп анклав иалҵны аҳәаанырцәуааи ҩ-тәылауаҩрак змоу ауааи шцо. Иара убас абрантәи ауп агуманитартә цхыраара зқәу амашьынақәа зланеиуа.